咕嚕豆卜釀魚滑

呢個餸超好味, 全靠師傅得介紹! 多謝你

咕嚕豆卜釀魚滑

材料:

豆卜         半斤

魚滑         半斤

青椒              1個

洋葱           1個

細罐頭菠蘿  1罐

 

汁料:罐頭菠蘿水 

白醋 太約3茶匙

茄汁 太約3湯匙

糖  太約2湯匙

 鹽    少許 (用來吊味, 可以不落)

 

做法:

1. 魚滑加少少鼓油, 麻油, 胡椒粉, 糖, 蔥醃起。

2. 將豆卜切一半，釀入魚滑。

3. 留意將魚滑一面向上，放於焗盤，入光波爐250度15分鐘。

4. 魚滑熟透，豆卜亦已焗脆，備用。

5. 準備汁料 及 生粉水用來埋獻。

6.  青椒、洋葱、菠蘿切件，先起鑊爆香洋葱，加入青椒炒，倒入汁料煮滾，埋獻至杰身。

7. 加入豆卜略炒，至沾滿汁料，最後加入菠蘿炒勻，上碟完成。

檸檬雞翼

檸檬雞翼

 

材料 :

雞亦 15隻

檸檬 1個

薑片 1大塊

蔥花 少許

1. 雞翼用胡椒粉、生抽和少許雞粉撈勻醃好。

2. 新鮮檸檬切兩片圓片後再對切一半備用, 將預下檸檬搾汁及將皮切少許絲。

3. 片糖適量用刀背剁碎備用。

4. 燒熱油鑊爆香薑片，下雞翼爆炒至金黃色。

5. 下適量生抽和老抽兜勻後，再加入檸檬片及汁兜勻。

6. 蓋上鑊蓋焗8分鐘，開蓋加入片糖碎兜勻煮至完全溶化。

7. 待汁略為收乾即可上碟，灑上蔥花及檸檬絲即成。

小貼士 :

1.   由於下片糖後後快收乾水, 因此必須將爐火教到最小後才下片糖.

南瓜蕃茄湯

南瓜蕃茄湯

材料 :
南瓜 半個 (就係用返之前淨低佢半個)
蕃茄 6-8個
黃豆 一手份量
豬展/排骨 廿元
果皮 一塊

做法:
1) 南瓜去皮, 切細粒
2) 蕃茄切細舊, 黃豆洗淨
3) 豬展/排骨下滾水出水
4) 將所有材料加水, 煲個半鐘即成.

花膠螺頭竹絲雞淮山杞子圓肉蓮子湯

又係時候又要保一保啦! 女人唔保好易老架!

花膠螺頭竹絲雞淮山杞子圓肉蓮子湯

材料 :

花膠     3隻細 (大約估計, 因為我已經發起晒, 太約落左10幾舊度)

竹絲雞     1隻

螺頭     4粒

紅蘿蔔     3個

淮山     5片

杞子     少許

圓肉     少許

蓮子     少許

茨實     少許

蜜棗    3粒

無花果   2粒 (無晒啦, 要再買, 用黎煲湯好好味)

南北杏   少許

陳皮     1片

 

做法 :

1)   花膠當然係要發左先啦, 要發請睇
http://blog.yahoo.com/_ZHY2DQLGMDOMGADCAXAMCG5IMU/articles/702257。

2)    螺頭浸軟3小時，備用。

3)   紅蘿蔔切一舊舊，淮山，蓮子，茨實浸水約1小時, 期間記得換水。

4)    煲滾一煲水，將竹絲雞山水，約10分鐘。

5)    煲大煲水加入陳皮，水滾後加入所有材料，煲3小時即成。

 

小貼士：

1)   煲雞湯比較多血水, 所以出水時間要比豬肉多一點的。

2)   經過朋友教落，煲花膠湯可以用平價花膠，咁樣慳唔少，大舊厚身用

黎炆。

3)   煲花膠湯可以將花膠放入魚湯袋度, 咁樣煲完之後就唔駛搵唔返D花

膠出黎食啦, YEAH!!!

發花膠

發花膠

材料：

花膠    

薑片     10片 (因為一大煲水, 所以薑都要多好多)

蔥     2元 (通常2元一束)

水     一大煲啦!

 

1) 洗洗D花膠同個大煲，要確保煲一啲油都唔可以有架，唔係花

膠會變。

2) 煲大煲水(一定要浸過花膠的)，煲滾落薑片蔥段，滾約15分鐘，

等成煲出左味。

3) 落花膠，開大火見到滾了約2-3分鐘可以熄火。

4) 等水涼後（我通常第日先攞出黎），期間唔好打開蓋喎，可以將花

膠洗乾淨切件入袋，入袋數量以分配好大約每次將會用的數量。

5) 將未用的花膠放於冰箱，可存放9個月至1年，但放係雪櫃只可以

存太約一星期。

 

 

小貼士 :

1)   買左花膠返黎之後可以全部攞去發，發完可以擺係冰箱隨時攞出黎用，

唔洗次次都要發，咁麻煩啦！

南乳蓮藕支竹炆排骨

由細到大都好鍾意食南乳味既餸, 呢個我係從阿媽身上學既, 重有幾味
都係南乳既餸, 等我遲D再post啦!

南乳蓮藕支竹炆排骨

材料：
蓮藕     2節
排骨     20元

支竹     半斤 (我買已經浸軟左個D)

南乳     1舊加多一匙南乳汁

面鼓醬     1茶匙 (我用日式面鼓醬, 好好味架)

薑     2片

乾蔥     1粒

紹酒     1茶匙

蔥花     少許 (用黎裝飾者)

 

做法 :

1)   排骨用鼓油, 糖, 麻油, 胡椒粉, 生粉, 紹油醃20分鐘。

2)   南乳用紹酒開好混入面鼓醬，備用。

3)   燒熱油爆香乾蔥薑片，落排骨炒至轉色，加入蓮藕炒均。

4)   加水至完全蓋過排骨，大火滾後轉到慢火炆15分鐘。

5)   再焗10分鐘後，加入支竹轉大火滾後，轉慢火炆多10分鐘，

加上蔥花後即成。

6) 如果見汁多可以轉大火滾一陣就無咁多, 唔駛埋獻都得。

 

小貼士 :

1)   慳D可以用煲過當既蓮藕黎整架。

2)   南乳用紹酒開過成個餸會香好多，但只係少少唔可以落太多架。

咖喱肉鬆豆腐

呢味餸都幾野味, 送飯一流, 不過我懷疑我唔係好食得咖哩, 竟然第二日肚屙,
年幾大無辦法, 好多野同後生唔同, 太油太刺激既食物食左落去, 身體都係受唔到.

咖喱肉鬆豆腐

材料：

硬豆腐     2件

豬肉碎   廿元

咖喱粉   2茶匙 (我落左兩粒日式咖哩)

洋蔥（切粒）   1/2個

乾蔥蓉   1茶匙

紹興酒   少許

蔥粒   酌量

 

醃料：

生抽   1 1/2茶匙

水     1茶匙

粟粉     1茶匙

糖   1/2茶匙

麻油   少許

胡椒粉   少許

 

調味汁料：

雞湯（或水）     1杯 (今次落少左雞湯只有1/2柸, 搞到無乜汁添)

鹽   1/4茶匙

生抽   2茶匙

糖     1茶匙

麻油       少許

 

埋獻（勾茨）：

粟粉     1茶匙

水   2湯匙

做法：

1) 豬肉碎醃約20分鐘。

2) 豆腐洗凈抹乾水份, 蒸約5分鐘。切成約1吋半丁塊。略撲上粟粉

少許，下滾油中半煎炸的方式，把豆腐炸至微金黃色撈起，放在廚房紙

上瀝乾油份, 備用。

2) 燒熱油爆香洋蔥粒，加入乾蔥蓉，豬肉碎和咖喱粉炒透, 澆酒，倒進

調味汁料

3) 煮滾後小心放入豆腐，炆煮片刻至熟。

4) 埋一個薄獻，把汁煮至稍為濃稠一點，灑下蔥粒，上碟即成。因為我

今次落少左雞湯，所以無埋獻。

 

小貼士 :

1)   豆腐上粉前要抹乾水份，上粉後最好即時煎，唔係煎個時油會彈得好勁。

咖喱肉鬆豆腐

節瓜粉絲蝦米

煮粉絲對我黎講好難, 之前煮左好多次都係失敗, 搞到唔敢煮粉絲囉, 最後參考左一位朋友既
做法同鴨仔既建議, 老公家姐既意見, 重有62添! 終於成功左~, 老公超讚, 話我越來越叻

節瓜粉絲蝦米

材料：

節瓜   兩個

粉絲     一包 (我買個D係散裝阿姐話兩個人5元夠了)

蝦米     少許

雞湯     一碗

蒜頭     2粒

 

做法：

1) 蝦米浸軟, 我通常夜晚整個朝就浸定。

2) 節瓜去皮切條待用。

3) 燒熱油鑊，爆蒜頭，下蝦米炒香。

4) 再下節瓜炒至半熟，加雞湯，將粉絲放到節瓜面，不要炒均，

在粉絲上均勻淋下鼓油，加蓋轉慢火煮約8分鐘。

5) 如不夠味可加少許鹽調味，當水已吸收了，將粉絲及節瓜炒均即成。

 

小貼士：

1) 由於粉絲吸水力高直接吸收, 很易發脹以致變為一舊, 粉絲必須

剪短, 及放於節瓜面用慢慢吸收雞湯味及煮熟。

南瓜炆排骨

呢個餸第一次整, 賣相係差D, 不過又真係幾好味架!
值得再試!

南瓜炆排骨

材料：

南瓜   半個 (買左個細細個既, 留返一半準備…..下次話比大家知)

排骨   廿八元

蒜蓉     兩粒 (切碎)

豆鼓     少許 (切碎)

 

醃料：

生抽（醬油） 2茶匙

糖 1/2茶匙

粟粉 1茶匙

紹酒 1/2茶匙

麻油、胡椒粉各少許

 

埋獻（芶次）：

生抽（醬油） 1茶匙

糖 1/2茶匙

粟粉 1茶匙

水 2湯匙

麻油 少許

做法：

1)   排骨洗凈，瀝乾水份，用鼓油, 糖, 生粉, 紹油, 麻油,

胡椒粉少許醃約30分鐘備用。

2) 南瓜洗凈，去籽去皮切件，待用。

3) 燒熱油鑊，爆香蒜蓉豆豉，下排骨煎炒至表面微黃,

加水蓋過排骨炆約15分鐘。

4) 加南瓜再炆15分鐘, 不夠味可下些少鼓油。

5) 大火煮5分鐘, 如汁太多, 可埋獻上碟即成。

 

小貼士：

1) 南瓜不用去皮更有營養，炆起來不容易爛開。不過個人較喜歡去皮。

2) 南瓜最好等炆排骨一陣煮至軟身, 才加入南瓜, 這樣排骨軟，南瓜又不太爛了。

陳腎菜乾湯

星期五整左餃子後, 淨返D白菜, 唯有擺入雪櫃, 留到星期一煲菜乾湯,
無辦法兩位煮餸, 好多時諗煮咩野, 買既餸都要考慮到第二, 第三日配
合黎煮既, C9就係要盡量諗辦法呢D點慳家啦!

陳腎菜乾湯

 

材料 :

菜乾         2兩 (62比的靚菜乾, 真係唔同D)

白菜       1斤 (今次不足1斤, 之前用左少少黎整餃子添)

陳腎         3舊

金華火腿     一少舊 (62教的, 落少少香好多架)

南北杏     少許

陳皮     一少塊 (我阿媽自己整, 有成廿幾年歷史)

無花果     2舊 (我契媽買比我既)

羅漢果     1/4個

 

做法 :

1)   菜乾浸洗半小時, 最緊要浸時睇佢有無蟲呀, 好多時出街買唔靚既菜

乾好易生蟲, 浸個時一定要睇清楚, 佢會浮係面的.

2)   陳臂浸洗半小時

3)   陳皮浸軟, 其他材料洗淨

4)   全部材料加水入煲內, 加水煲約3小時即成.

 

小貼士:

1) 此湯老少咸宜,對內臟有熱,引起頭痛,咽喉發炎,眼痛,便秘等都有益處.

2) 天氣乾燥,容易引起咳嗽,用白菜煲湯,能清熱除燥.耐火煲夠3小時,對肺胃有熱,肝臟發熱,效果好又安全.加些南,北杏同煮,潤肺理咳之效尤佳.

豬肉白菜餃

上星期五諗住煮Ｄ簡單餸，老公話買Ｄ餃子煮面食，可惜公司個頭無乜好食既餃子，
見又有Ｄ時間，不如試下包餃子，就係咁樣整左人生第一次既餃子，好成功呀！

豬肉白菜餃 (二人份量)

 

材料：

水餃皮     半斤

豬肉碎     15元

白菜     8棵

醃料：

生抽（醬油）1湯匙

糖   少許

鹽   少許

粟粉     少許

雞粉   少許

紹興酒   少許

麻油   少許

胡椒粉   少許

做法：

1)   白菜洗凈瀝乾水份，切幼粒。

2)   豬肉碎用醃料, 加多少少水醃豬肉拌勻, 餃子才不會死實實。

3)   拌入白菜，放入雪柜冷凍半小時，才包餃子。

4)   包餃子摺位需要加少少水才可以貼實。

5)   可放雞湯煮熟完全。

6)   或燒熱平底油鑊，把包好的餃子鋪平在鑊中，用中火把餃子底部煎至略黃

倒進大滾水約1/4杯。煮約 5至8分鐘，直至乾水，讓水份完全蒸發後，餃子底部煎至金黃脆口，即成。

小貼士 :

1.   滾一鑊水，將大白菜淥一淥（30 秒），才切粒，用毛巾包住菜粒，擰乾。

2.   醃肉時要加少少水，同時菜比例上要較多，餃子才會鬆軟。

愛心餃子，老公一大讚，足足成廿隻食晒！